Transcription
1
Messieurs, je vous escripviz du jour d’hier comme estoit passée notre
2
soudaine retraicte de St Germain en ce lieu pour les occasions d’icelle, et
3
pour ne vous laisser languir, je vous direy que ce matin sa magesté
4
a faict expedier ses lettres patentes par lesquelles il donne toute seureté
5
à dix des principaulx qui se estoient eslevez qui se viendront jecter
6
à ses pieds, qui obtiendront pardon, et promettrons par ce moyen de
7
restituer les villes par eux prises de noveau. Nous esperons que
8
cella servira de moien et formulaire pour notre Daulphiné. Leur
9
pretexte estoit ung bien publicq, joinct aveq la cause. Sa magesté
10
yra au bois de Vincennes pour les y recepvoir. Sadite magesté demeure
11
armée et mande tous les gouverneurs des provinces en leurs charges
12
avec quelques forses. Voilla que vous avez de moy pour ce jour. Je
13
prie à Notre Seigneur quil vous doinct pour et à nous le repos et
14
sereté quil nous est necessaire. De Paris, ce IIIe mars 1574
15
Votre humble allié nepveu
16
et serviteur
17
G. Davanson Archevesque d’Ambrun